امریکہ دانشوروں میں سے ایک جنرل ضیاءالحق مخالف دانشور سلیگ ہیرسن نے واشنگٹن پوسٹ میں لکھا تھا کہ "ضیاءالحق کے مر جانے کے بعد بھی جنرل کی روح پاکستان اور امریکہ کی افغان پالیسی پر چھائی ہوئی ہے مرحوم نے جو طاقتور ملٹری اینٹلیجنس تنظیم (آئی ایس آئی) قائم کی تھی آج بھی وہی افغان معاملات کو کنٹرول کر رہی ہے" آج امریکہ افغانستان میں بری طرح شکست کھا چکا ہے اور ہم نہایت منافقت اور بے انصافی کا مظاہرہ کرتے ہوئے ایک طرف افغان مجاہدین پر داد و تحسین کے ڈونگرے برسا رہے ہیں اور دوسری طرف پاکستان میں برپا ہر فساد کی جڑ جنرل ضیاءالحق کو قرار دیتے ہیں ہم اپنے تعصب میں اتنے آگے چلے جاتے ہٰیں کہ اس بات کو بھی نظر انداز کر دیتے ہیں کہ امریکہ کو شکست دینے والے سارے گروہ بشمول ملا عمر، حقانی، گل بدین اور یونس خالص وغیرہ یا جنرل ضیاءالحق کے دور کی پیداوار تھے یا پاکستان آئی ایس آئی کے ان لوگوں نے ان کو تیار کیا تھا جو جنرل کی پالیسیوں کے حامی تھے جیسے جنرل اختر عبدالرحمن جنرل حمید گل اور کرنل امام وغیرہ یہ ماننا پڑے گا کہ جنرل کی روح آج بھی افغان پالیسی پر چھائی ہوئی ہے اور امریکہ جنرل ضیاءالحق سے بالاآخر شکست کھا رہا ہے جنرل ضیاءالحق کے نام پر تعصب کی گرد پڑی ہوئی ہے اور اسکو کبھی انصاف کے ساتھ پڑھا اور سمجھا نہیں گیا وہ جنرل جس نے روس جیسی سپر طاقت کو شکست دی جس نے امریکہ کی دم پر دس سال تک پاؤں رکھے رکھا اور کبھی پاکستان کے معاملے میں اپنے کسی موقف پر ذرا بھی لچک نہٰیں دکھائی جس نے انڈیا کو اتنا خوفزدہ کر دیا تھا کہ وہ کہنے پر مجبور ہو گئے تھے کہ "اگر ضیاءالحق زیادہ دیر زندہ رہا تو انڈیا کا شیرازہ بکھر جائے گا" جس نے بغیر کسی دباؤ کے نہایت تیزرفتاری سے پاکستان کے ایٹمی پروگرام کی تکمیل کی وہ ضیاءالحق جس کے دور میں پہلی بار افغانستان کے اندر "پاکستان زندہ باد" کے نعرے لگے وہ ضیاءالحق جب شہید ہوا تو دنیا کے ستر سے زائد ممالک کے سربراہان اور ملک بھر سے دس لاکھ سے زیادہ لوگوں نے اسکے جنازے مٰیں شرکت کی جو اسکا ایسا ریفرنڈم تھا جو تا قیامت اسکو امر کر گیا! یہ وہی ضیاءالحق ہے جس نے کہا تھا کہ "میں اسلامی نظام کے نفاذ کے لیے کم از کم اتنا کام ضرور کر دینا چاہتا ہوں کہ پھر آنے والے وقت میں کسی کے لیے پیچھے ہٹنا اور واپس لوٹنا ممکن نہ رہے" اور اس نے کر دکھایا جنرل ضیاءالحق ایک غیر معمولی لیڈر تھے شائد ان عظیم مسلم لیڈروں میں سے ایک جو پوری امت مسلمہ کی تاریخ مٰیں مسلمانوں کو نصیب ہوئے میں جنرل کے نام سے اس گرد کو جھاڑنے کی کوشش ضرور کرتا رہوں گا اور ان شاءاللہ ان سارے معاملات پر لکھوں گا جن کا کسی طرح بھی جنرل ضیاءالحق سے تعلق بنتا ہے میں کوشش کروں گا کہ واقعات کو لکھوں تا کہ یہ پوسٹیں محض تعریف و توصیف کے گوشوارے نہ بنیں بلکہ عوام ان واقعات کی تصدیق کر کے خود نتائج اخذ کر سکے میں ہرگز کوئی لکھاری نہیں اور میرا علم بھی محدود ہے لیکن اسکے باوجود انشااللہ میں پوری طاقت سے لکھوں گا اور اس معاملے میں کسی بھی مخالفت کی مجھے پرواہ نہٰیں جنرل ضیاءالحق شہید مجھے آج بھی بہت سے "زندوں" سے زیادہ عزیر ہے. عالم اسلام کا عظیم مجاھد جرنیل جسے ایک عالمی سازش کے تحت شہید کروا دیا گیا 😢 شہید حق جنرل ضیاءالحق رحمتہ اللہ علیہ دفاع پاکستان.محمد قاسم